تبلیغات
بسم الله الرحمن الرحیم - شعر ترکی باحال
 
بسم الله الرحمن الرحیم
انسانم آرزوست...

اولدوز سایاراق گوزله میشم هر گئجه یاری

گج گلمه ده دیر یار یئنه اولموش گئجه یاری

گؤزلر آسیلی یوخ نه قارالتی نه ده بیر سس

باتمیش گولاغیم گؤرنه دؤشور مكده دی داری

 

بیر قوش آییغام! سویلیه رك گاهدان اییلده ر

گاهدان اونودا یئل دئیه لای-لای هوش آپاری

 

یاتمیش هامی بیر آللاه اویاقدیر داها بیر من

مندن آشاغی كیمسه یوخ اوندان دا یوخاری

 

قورخوم بودی یار گلمه یه بیردن یاریلا صبح

باغریم یاریلار صبحوم آچیلما سنی تاری!

 

دان اولدوزی ایسته ر چیخا گؤز یالواری چیخما

او چیخماسادا اولدوزومون یوخدی چیخاری

 

گلمز تانیرام بختیمی ایندی آغارار صبح

قاش بیله آغاردیقجا داها باش دا آغاری

 

عشقین كی قراریندا وفا اولمیاجاقمیش

بیلمم كی طبیعت نیه قویموش بو قراری؟

 

سانكی خوروزون سون بانی خنجردی سوخولدی

سینه مده أورك وارسا كسیب قیردی داماری

 

ریشخندله قیرجاندی سحر سویله دی: دورما

جان قورخوسی وار عشقین اوتوزدون بو قماری

 

اولدوم قره گون آیریلالی او ساری تئلدن

بونجا قره گونلردی ایدن رنگیمی ساری

 

گؤز یاشلاری هر یئردن آخارسا منی توشلار

دریایه باخار بللی دی چایلارین آخاری

 

از بس منی یاپراق كیمی هیجرانلا سارالدیب

باخسان اوزونه سانكی قیزیل گولدی قیزاری

 

محراب شفقده ئوزومی سجده ده گؤردوم

قان ایچره غمیم یوخ اوزوم اولسون سنه ساری

 

عشقی واریدی شهریارین گللی- چیچكلی

افسوس قارا یل اسدی خزان اولدی بهاری

تورکی دیل

تورکی بیر چشمه ایسه من اؤنی دریا ائله دیم
بیر سؤیوق معرکه نی محشر کبرا ائله دیم

بیر ایشیلتی دی سها اولدوزی تک گؤرسنمز
گؤز یاشیملا من اونی عقد ثریا ائله دیم
امیدیم وار کی بو دریا هله اقیانوس اؤلا
اؤنا ضامین بو گؤزل عشقیمی اهدا ائله دیم
تورکی واللاه آنالار اوخشاقی لایلای دیلی دیر
دردیمی من بو دوا ایله مداوا ائله دیم.(اوستاد شهریار)



تارییم منیم

سیزلاییر احوالیما صبحه قدر تاریم منیم
تکجه تاریم دیر قارا گونلرده غمخواریم منیم
چوخ وفالی دوستلاریم واردیر، یامان گون گلجه یین
تاردان اوزگه قالماییر یار وفاداریم منیم
یئر توتوب غمخانه ده، قیلدیم فراموش عالمی
من تارین غمخواری اولدوم، تار غمخواریم منیم
گوزلریمه هر تبسم سانجیلیر نئشتر کیمی
کیپریگی خنجردی، آه، اول بی وفا یاریم منیم
آسمان آلدی کناریمدان آی اوزلو یاریمی
یاش توکر اولدوز کیمی بو چشم خونباریم منیم
ای بو غملی کونلومون تاب و توانی، سویله بیر
عهد و پیمانین نه اولدو، نولدو ایلغاریم منیم
“شهریار”م گرچی من سوز مولکونون سلطانی یم
گوز یاشیمدان باشقا یوخدور در شهواریم منیم

گئجه اولدی هامی یاتدی
نیلوم اخر یاتانمورام
یارین فیکری دوشوب باشا
فیکرین باشدان اتانمورام
اغزیم دولوب غم کدردن
چئگنمیشم اوتانمورام
یاریم منی اتوب گئدوب
منکه یاری آتانمورام
عشقی پولا ساتوب گودوب
من عالمه ساتانمورام
عشق پاکدی اول اخر
اونا هوس قاتانمورام
یول اوزاقدی کروان خسته
یوکوم یخوب چاتانمورام
غم لشگری کسوب یولی
گوجوم چاتمور باتانمورام
عومر قاچور من قوورم
هاخلییورام توتانمورام


درباره وبلاگ



به وبلاگ من خوش امدید
نظر یادتون نره
هر انسان کتابی است در انتظار خواننده اش

مدیر وبلاگ : رام
نویسندگان
نظرسنجی
شما طرفدار کدام تیم فوتبال ایرنی هستین؟







آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
مشاهده جدول کامل لیگ برتر ایران
چت روم
آوای دل
دریافت همین آهنگ
دوستانتان را به یك شغل پردرآمد و آسان دعوت كنید : « جزئیات »
Email: